"Газрын харилцааны ажилтны өдрийн нэрэмжит Шилжин явах цом"-ын төлөөх спортын таван төрөлт тэмцээн амжилттай болж өндөрлөлөө

Газрын харилцааны салбарын мэргэжлийн байгууллагуудын дунд жил бүр уламжлал болгон зохион байгуулдаг "Газрын харилцааны ажилтны өдрийн нэрэмжит Шилжин явах цом"-ын төлөөх спортын таван төрөлт тэмцээн 10 дахь жилдээ амжилттай болж өндөрлөлөө.Манай Төвийн бүсийн тамирчид гар бөмбөг/эмэгтэй/ хүрэл медаль, Биллярдын төрлөөр эмэгтэй мөнгөн медаль хүртсэн амжилттай оролцлоо. Энэ жилийн тэмцээнд нийт 5 алт, 2 мөнгөн медаль, 5 дугаар байр хоёр, 6 дугаар байр нэг тус, тус эзэлж багийн дүнгээр Нийслэлийн Газрын албаны баг тамирчид аварга боллоо. Ингэснээр гурван жил дараалан “Шилжин явах цом”-ын эзэн болж, цомыг үүрд хадгалах эрхтэй болсон юм.
Тэмцээнд Барилга, хот байгуулалтын яам, Газар зохион байгуулалт, геодези, зураг зүйн газар болон Нийслэлийн Газрын алба, Нийслэл хот төлөвлөлт, ерөнхий төлөвлөгөөний газар, Газрын харилцааны салбарын их, дээд сургуулийн багш нар, баруун, зүүн, төвийн, хангайн бүсийн аймгуудын ГХБХБГ-ийн нийт 11 баг тамирчид оролцлоо.